- రూ.వెయ్యి కోట్ల బడ్జెట్ కేటాయించాలి
- వీర శైవ లింగయాత్ లింగ బలిజ సంఘం
ముషీరాబాద్, వెలుగు: కాంగ్రెస్ హయాంలోనే బసవ భవనాన్ని పూర్తి చేయాలని వీరశైవ లింగాయత్ లింగ బలిజ సంఘం విజ్ఞప్తి చేసింది. కార్పొరేషన్ ఏర్పాటు చేసి, వెయ్యి కోట్ల బడ్జెట్ ఇవ్వాలని కోరింది. ఆదివారం బలిజ సంఘం ఆధ్వర్యంలో బాగ్ లింగంపల్లి లోని సుందరయ్య విజ్ఞాన కేంద్రంలో రాష్ట్ర కార్యవర్గ సమావేశం నిర్వహించారు. గౌరవ అధ్యక్షులు వెన్న ఈశ్వరప్ప , రాష్ట్ర అధ్యక్షులు పటోల సంగమేశ్వర మాట్లాడుతూ భవనానికి భూమి పూజ చేసి రెండు సంవత్సరాలు అవుతున్నా ఇప్పటివరకు నిర్మాణం జరగడం లేదని ఆవేదన వ్యక్తం చేశారు. కాంగ్రెస్ ప్రభుత్వంలో అయినా నిర్మాణం పూర్తి కావాలని కోరారు. అనంతరం అమరులకు నివాళులర్పించారు. ఈ కార్యక్రమంలో ప్రధాన కార్యదర్శి దినేశ్ పాండే, కోశాధికారి రాచప్ప, శెట్టి శివకుమార్,శెట్టి శ్రావణి, అశ్విని, మల్లికార్జున్ పాల్గొన్నారు.
